ຕອນເຊົ້າ ວັນທີ 19/07/2021 ຜ່ານມານີ້ ພຣະຍອດຄຳ ສູນທະຣະຍານ ສີທົນ ໄຊຍະວົງສອນ ຄະນະບໍລິຫານງານປະຈຳສູນກາງ ອພສ,ຫົວໜ້າກຳມາທິການເຜີຍແຜ່ສີນລະທັມແລະປະຕິບັດກັມມະຖານ ສູນກາງ, ເຈົ້າອະທິການວັດ ປ່ານາຄູນນ້ອຍ ເມືອງນາຊາຍທອງ ນະຄອນຫລວງວຽງຈັນ, ພ້ອມດ້ວຍຄະນະສົງເດີນທາງໄປຢ້ຽມຢາມ ວັດພຸດທະນາລາມ ບ້ານເມືອງກາງ ເມືອງຈຳປາສັກ ແຂວງຈຳປາສັກ ເຊີ່ງເປັນສະຖານທີ່ສຳຄັນທາງປະຫວັດສາດເປັນວັດເກົ່າແກ່ຂອງພຸດທະສາສະໜາອີກແຫ່ງໜຶ່ງຂອງປະເທດລາວ ກໍ່ຄືເມືອງຈຳປາສັກ ແຂວງຈຳປາສັກ
ໂດຍເປັນກຽດໃຫ້ການຕ້ອນຮັບຂອງທ່ານຮອງເຈົ້າເມືອງ ເມືອງຈຳປາສັກ ທ່ານພວງເພັດ ແສງອາລຸນ ຫົວໜ້າຫ້ອງການວັດທະນະທຳເມືອງ ທ່ານນາຍບ້ານ ສາລະວັດ ແນວໂຮມ ອົງການຈັດຕັ້ງບ້ານນາກາງ ທຸກພາກສ່ວນຮ່ວມຕ້ອນຮັບຢ່າງອົບອຸ່ນ.
ວັດພຸດທະນາຣາມແຫ່ງນີ້ຈະໄດ້ຮັບການບູລະນະສ້າງສາ ແລະ ປັບປຸງຄືນໃໝ່ ໂດຍໄດ້ຮັບການອຸປະຖຳຈາກ ອົງການປົກຄອງແຂວງຈຳປາສັກ,ເມືອງຈຳປາສັກ, ອົງການພຸດທະສາດສະໜາສຳພັນລາວແຂວງຈຳປາສັກ ຕະຫຼອດຮອດພຸດທະບໍລິສັດ ແລະ ອອກຕົນຍາດໂຍມບັນດາເຜົ່າ,ເພື່ອໃຫ້ສະຖານທີ່ແຫ່ງນີ້ເປັນມໍລະດົກທາງວັດທະນະທຳຂອງແຂວງຈຳປາສັກ.ແລະ ຈະໄດ້ເລີ່ມສຳຫຼວດແລະລົງມືກໍ່ສ້າງໃນໄວໆນີ້.
Recent Comments